امریکی حملوں کا جواب دینے کیلیے ایران نے روس کی مدد سے میزائل اور ڈرون پروگرام بحال کرلیے اگر امریکا دوبارہ حملے کرتا ہے تو ایران مؤثر جوابی کارروائی کرنے کی صلاحیت رکھتا ہے
Web Desk
11 October 2026
امریکی خبر رساں ادارے بلومبرگ کی ایک تازہ رپورٹ میں مغربی حکام کے حوالے سے انکشاف کیا گیا ہے کہ ایران نے اپنی میزائل اور ڈرون تیار کرنے والی صنعتوں اور کارخانوں کو نہ صرف مکمل طور پر محفوظ رکھا ہے بلکہ وہ اپنے جدید ہتھیاروں کے ذخیرے میں تیزی سے اضافہ کرنے کی بھرپور صلاحیت بھی رکھتا ہے۔ رپورٹ کے مطابق مغربی انٹیلی جنس اور حکام کا دعویٰ ہے کہ ایران کے پاس بیلسٹک میزائلوں اور بحری اہداف کو نشانہ بنانے والے ہتھیاروں کی خاطر خواہ کھیپ موجود ہے، اور بعض اطلاعات کے مطابق روس بھی ایران کو میزائل فراہم کر رہا ہے، تاہم روسی وزارتِ دفاع نے اس دعوے پر کوئی تبصرے سے گریز کیا ہے۔
یہ انکشافات امریکی صدر ڈونلڈ ٹرمپ اور وزیر دفاع پیٹ ہیگسیتھ کے ان دعوؤں کے برعکس ہیں جن میں کہا گیا تھا کہ حالیہ امریکی کارروائیوں نے ایران کے دفاعی ڈھانچے اور عسکری صلاحیت کو ناقابلِ تلافی نقصان پہنچایا ہے۔ وائٹ ہاؤس کی ترجمان اینا کیلی نے مغربی حکام کے ان جائزوں کو سختی سے مسترد کرتے ہوئے مؤقف اپنایا ہے کہ امریکی حملوں نے ایران کی میزائل تنصیبات کو تباہ کر دیا ہے۔ دوسری جانب، اسرائیلی میڈیا رپورٹس میں یہ بھی دعویٰ کیا گیا ہے کہ واشنگٹن نے حالیہ ہفتوں میں اسرائیل پر دباؤ ڈالا تھا کہ وہ ایران کے خلاف براہ راست خود کارروائی کرے، تاہم اسرائیلی فوجی حکام نے خبردار کیا کہ ایسی کسی بھی جنگی کارروائی کے نتیجے میں 27 اکتوبر کو شیڈول اسرائیلی انتخابات ملتوی ہو سکتے ہیں، جس کے بعد مبینہ طور پر واشنگٹن نے اس تجویز سے فی الحال پچھلے قدم ہٹا لیے ہیں۔
متعلقہ عنوانات
جماعت اسلامی کا 29 نومبر کو مینار پاکستان پر جلسے کا اعلان
11 November 2026
ایف بی آر نے نئے ٹیکس دہندہ کیلئے 25 ہزار روپے کا سرچارج ختم کردیا
11 November 2026
پاکستان کو ایل این جی درآمد کے لئے مہنگی ترین بولیاں موصول
11 November 2026
پاسپورٹ میں ردوبدل کے ذریعے سفری ریکارڈ چھپانے کی کوشش ناکام
11 November 2026
عدالت نے لکی مروت کے شہری کا اسلام آباد کا ڈومیسائل بنانے کی ہدایت کر دی
11 November 2026
9 مئی ریڈیو پاکستان کیس: سہیل آفریدی کے دوبارہ وارنٹ گرفتاری جاری
11 November 2026
ایرانی دھمکیوں کے بعد امریکی وزیر خزانہ سکاٹ بیسنٹ فوجی اڈے منتقل
11 November 2026
بشریٰ بی بی کی 29 مقدمات میں عبوری ضمانتوں میں 26 نومبر تک توسیع
11 November 2026