آپریشن وعدہ صادق 4 کی 93ویں لہر: تل ابیب سمیت امریکی اڈے نشانہ، موساد ہیڈکوارٹرز تباہ

تہران/تل ابیب: پاسدارانِ انقلاب ایران (IRGC) نے آپریشن وعدہ صادق 4 کے تحت اسرائیل کے دل تل ابیب اور صنعتی شہر حیفہ پر گائیڈڈ میزائلوں سے کاری ضرب لگائی ہے۔ ایرانی ترجمان کے مطابق، ان حملوں کا مقصد شہید ریئر ایڈمرل علی رضا تنگسیری کا انتقام لینا تھا۔ رپورٹ کے مطابق تل ابیب میں موساد کا ہیڈ کوارٹر میزائل لگنے سے ملبے کا ڈھیر بن گیا ہے، جس کی ویڈیوز میں آگ کے بڑے گولے بلند ہوتے دیکھے گئے ہیں۔

دوسری جانب، ایران نے امریکی مداخلت کا سخت جواب دیتے ہوئے وسطی ایران اور آبنائے ہرمز کے قریب امریکہ کے ایک ایف-35، ایک اے-10 اور ایک ایف-15 طیارہ مار گرانے کا دعویٰ کیا ہے۔ ایک امریکی پائلٹ کی گرفتاری کی بھی اطلاعات ہیں۔ ایران نے خبردار کیا ہے کہ بحرین، کویت اور اردن میں موجود امریکی تنصیبات اب ان کے نشانے پر ہیں کیونکہ یہ مراکز دشمن کو لاجسٹک مدد فراہم کر رہے ہیں۔