نئے سپریم لیڈر کے انتخاب تک عبوری کونسل ایران کی قیادت سنبھالے گی

ایران میں نئے سپریم لیڈر کے انتخاب تک ایک عبوری کونسل قیادت کے امور سنبھالے گی۔

ترجمان مجلس خبرگان کے مطابق شہید آیت اللہ علی خامنہ ای کے جانشین کا انتخاب مجلس خبرگان کرے گی۔

ایرانی میڈیا رپورٹس کے مطابق صدر، چیف جسٹس اور نگہبان کونسل کے ایک فقیہ پر مشتمل عبوری کونسل تمام انتظامی و قیادی فرائض انجام دے گی۔ یہ فیصلہ آئینی ضابطے کے تحت اس صورت میں کیا گیا ہے جب سپریم لیڈر کا عہدہ خالی یا غیر فعال ہو جائے۔

ذرائع کا کہنا ہے کہ مجلس خبرگان نئے سپریم لیڈر کے انتخاب کے لیے مشاورت کا عمل جلد شروع کرے گی۔