ایران کا امریکا کیخلاف دی ہیگ میں قائم بین الاقوامی ثالثی عدالت میں مقدمہ دائر

ایران نے جوہری تنصیبات کے خلاف فوجی جارحیت، اقتصادی پابندیوں اور طاقت کے استعمال کی دھمکیوں پر امریکہ کو دی ہیگ میں قائم بین الاقوامی ثالثی عدالت میں کٹہرے میں کھڑا کر دیا ہے۔ ایرانی خبر رساں ایجنسی کے مطابق، حکومتِ ایران نے یہ مقدمہ ‘ایران-امریکہ کلیمز ٹریبونل’ میں درج کرایا ہے، جس کی بنیاد 1981 کے الجزائر معاہدوں پر رکھی گئی ہے۔ تہران نے موقف اختیار کیا ہے کہ امریکہ نے 12 روزہ جنگ کے دوران اپنی بین الاقوامی ذمہ داریوں کی سنگین خلاف ورزی کی۔ درخواست میں عدالت سے مطالبہ کیا گیا ہے کہ وہ امریکہ کو ایران کے داخلی معاملات میں مداخلت فوری بند کرنے کا حکم دے، مستقبل میں ایسی کارروائیوں کی عدم تکرار کی ضمانت فراہم کرے اور ایران کو پہنچنے والے تمام مالی و جانی نقصانات کا مکمل معاوضہ ادا کیا جائے۔