ایران نے امریکا کے ساتھ مذاکرات کی خبروں کی تردید کر دی

ایران نے امریکہ کے ساتھ کسی بھی قسم کے مذاکرات کی خبروں کی باضابطہ تردید کر دی ہے۔ ایرانی وزارتِ خارجہ کے ترجمان اسماعیل بقائی نے ہفتہ وار پریس بریفنگ کے دوران واضح کیا کہ ایران اس وقت امریکہ کے ساتھ کوئی گفتگو نہیں کر رہا، اور اگر امریکی خلاف ورزیاں اسی طرح جاری رہیں تو آبنائے ہرمز کی موجودہ صورتحال میں کوئی تبدیلی نہیں آئے گی۔ انہوں نے انکشاف کیا کہ ایران اور عمان کے درمیان گزشتہ 07 سے 08 روز سے مذاکرات جاری ہیں جن میں مثبت پیش رفت ہوئی ہے، تاہم یہ مذاکرات محض آبنائے ہرمز سے جہاز رانی کے عارضی محفوظ راستے (Safe Passage) کی فراہمی تک محدود ہیں۔