ایران نے امریکی صدر ڈونلڈ ٹرمپ کے مذاکرات کے دعوؤں کی سخت تردید کر دی

ایران نے امریکی صدر ڈونلڈ ٹرمپ کے ایران سے مذاکرات کے دعووں کی سختی سے تردید کر دی ہے۔ ایرانی وزارتِ خارجہ کے ترجمان اسماعیل بقائی نے کہا ہے کہ ایران جنگ کے خاتمے کے لیے پاکستان کی قیادت میں کی جانے والی سفارتی کوششوں کا حصہ نہیں تھا۔

ترجمان نے مزید کہا کہ ثالثوں کے ذریعے پیغامات ایران تک پہنچائے گئے، مگر امریکی تجاویز زیادہ تر غیر حقیقت پسندانہ اور حد سے متجاوز تھیں۔ ایران نے علاقائی ممالک کی امن کی کوشش کو خوش آئند قرار دیا، اور صورتِ حال کو حقیقت پسندانہ انداز میں دیکھنے پر زور دیا۔

اسماعیل بقائی نے متحدہ عرب امارات سے مطالبہ کیا کہ ایرانی شہریوں کے حقوق کا خیال رکھا جائے اور معاملات میں دور اندیشی کا مظاہرہ کیا جائے۔