ایران: احتجاج میں مرنے والوں کی تعداد 500 سے بڑھ گئی: انسانی حقوق تنظیم کا دعویٰ
Web Desk
12 January 2026
برطانوی خبر رساں ادارے کے مطابق ایران میں جاری احتجاجی شورش کے دوران ہلاکتوں کی تعداد 500 سے بڑھ گئی ہے۔ انسانی حقوق کی تنظیم ہیومن رائٹس ایکٹیوسٹس اِن ایران (HRANA) کا کہنا ہے کہ اب تک 490 مظاہرین اور 48 سکیورٹی اہلکار جان سے جا چکے ہیں جبکہ ایک ہزار 600 سے زائد افراد کو گرفتار کیا گیا ہے۔
روئٹرز کے مطابق یہ مظاہرے 2022 کے بعد ایران میں ہونے والے سب سے بڑے احتجاج قرار دیے جا رہے ہیں، تاہم خبر رساں ادارے نے واضح کیا ہے کہ ہلاکتوں اور گرفتاریوں کے اعداد و شمار کی آزاد ذرائع سے تصدیق ممکن نہیں ہو سکی۔
ایرانی صدر مسعود پزشکیان نے کہا ہے کہ پرامن احتجاج عوام کا حق ہے مگر بدامنی اور فساد کسی صورت برداشت نہیں کیا جائے گا۔ ان کا کہنا تھا کہ امریکا اور اسرائیل ملک میں بدامنی پھیلانے کی کوشش کر رہے ہیں۔
ایرانی پولیس چیف احمد رضا رادان کے مطابق سکیورٹی فورسز نے حالات پر قابو پانے کے لیے کارروائیاں تیز کر دی ہیں۔ سوشل میڈیا پر شیئر ویڈیوز میں تہران اور دیگر شہروں میں بڑے احتجاجی مارچ اور جلاؤ گھیراؤ کے مناظر دیکھے جا سکتے ہیں۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026