پاسداران انقلاب کاامریکی ایف 16 لڑاکا طیارے کو نشانہ بنانےکا دعویٰ

ایرانی پاسداران انقلاب  نے ایک امریکی ایف 16 لڑاکا طیارے کو نشانہ بنانےکا دعویٰ کیا ہے۔ایرانی میڈیا کے مطابق ایرانی پاسداران انقلاب نے دعویٰ کیا ہےکہ  جنوبی صوبہ فارس کی فضاؤں میں امریکی ایف 16 لڑاکا طیارے کو نشانہ بنایا گیا۔

پاسداران انقلاب کا کہنا ہے کہ  ہم پہلے ہی امریکی حکام کو خبردار کر چکے تھے کہ ہمارے صنعتی اہداف پر حملوں کا جواب دیا جائےگا۔ یہ کارروائی محض ایک وارننگ ہے، اگر ہماری صنعتوں پر حملے دوبارہ کیےگئے تو ہمارا اگلا ردعمل امریکا کے تصور سے بھی بڑھ کر ہوگا۔