جنگ بندی کے خاتمے کی کوئی ڈیڈلائن نہیں، ایران اندرونی اختلافات شکار ہے: وائٹ ہاؤس

وائٹ ہاؤس کی ترجمان کیرولائن لیویٹ نے کہا ہے کہ ایران میں جاری صورتحال درحقیقت سخت گیر اور معتدل حلقوں کے درمیان اندرونی اختلافات کا نتیجہ ہے، جبکہ جنگ بندی کے خاتمے کے لیے کوئی حتمی مدت مقرر نہیں کی گئی۔

میڈیا سے گفتگو کرتے ہوئے ترجمان وائٹ ہاؤس نے بتایا کہ ایران کے ساتھ جنگ بندی میں توسیع کی گئی ہے تاکہ ایرانی قیادت کو متفقہ مؤقف اختیار کرنے کا موقع مل سکے۔ ان کے مطابق امریکی صدر ڈونلڈ ٹرمپ ایرانی قیادت کے واضح اور مشترکہ جواب کے منتظر ہیں۔

انہوں نے مزید کہا کہ اگرچہ امریکی فوجی کارروائیوں میں وقتی وقفہ دیا گیا ہے، تاہم ایران پر اقتصادی دباؤ اور بحری ناکہ بندی بدستور جاری ہے۔

ترجمان نے واضح کیا کہ جنگ بندی کے خاتمے سے متعلق تین سے پانچ دن کی مدت کی خبریں درست نہیں ہیں اور اس حوالے سے کوئی ڈیڈ لائن طے نہیں کی گئی۔ ان کے مطابق جنگ بندی کے مستقبل کا فیصلہ صدر ٹرمپ خود کریں گے۔