ایرانی فوج کے اردن، کویت اور بحرین میں امریکی اہداف پر ڈرون حملے

ایرانی فوج نے اپنے تازہ بیان میں دعویٰ کیا ہے کہ اس نے اردن، کویت اور بحرین میں امریکی فوج سے منسلک تنصیبات کو ڈرون حملوں کا نشانہ بنایا ہے۔

بیان میں کہا گیا کہ امریکی فوج کی جانب سے جارحانہ اقدامات اور ایران کی صنعتی تنصیبات، خصوصاً اصفہان و خوزستان کی اسٹیل فیکٹریوں اور کرج کے بی ون پل کو نشانہ بنانے کے جواب میں ایرانی فوج  نے جمعہ کومتعدد اہداف کو ڈرون حملوں کا نشانہ بنایا۔

ایرانی فوج کے مطابق نشانہ بنائے گئے مقامات میں اردن میں امریکی فوج کے سازوسامان کے ذخائر، لاجسٹک سپورٹ مراکز اور رہائشی مقامات، کویت کے عریفجان کیمپ میں امریکی بکتر بند بریگیڈ کے میکانائزڈ یونٹ کی تعیناتی کے مقام اور بحرین میں قائم ایلومینیم پگھلانے کا بڑا کارخانہ شامل ہے۔