LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

جماعت اسلامی کو قومی کانفرنس کی دعوت، ملک میں عملاً جمہوریت ختم ہو چکی ہے: اسد قیصر

Web Desk

16 December 2025

جماعت اسلامی کے مرکزی دفتر میں پاکستان تحریک انصاف کے وفد اور جماعت اسلامی کے رہنماؤں کے درمیان ملاقات ہوئی، جس میں پی ٹی آئی کی جانب سے سابق اسپیکر قومی اسمبلی اسد قیصر اور مصطفی نواز کھوکھر شریک ہوئے۔ جماعت اسلامی کے وفد کی قیادت نائب امیر لیاقت بلوچ نے کی، جبکہ نائب امیر میاں اسلم، امیر اسلام آباد نصراللہ رندھاوا اور زبیر صفدر بھی ملاقات میں موجود تھے۔

ملاقات کے دوران پی ٹی آئی رہنماؤں نے جماعت اسلامی کو آئندہ منعقد ہونے والی قومی کانفرنس میں شرکت کی دعوت دی۔ اس موقع پر اسد قیصر نے کہا کہ پاکستانی سیاست میں جماعت اسلامی کا ہمیشہ اہم کردار رہا ہے اور ہماری جدوجہد ملک میں آئین کی پاسداری اور عدلیہ کی آزادی کے لیے ہے۔

انہوں نے کہا کہ اس وقت ملک کے مشرقی اور مغربی سرحدی علاقوں میں حالات سنگین ہیں، بارڈرز پر صورتحال خراب ہے اور بطور قوم ہمیں بڑے چیلنجز کا سامنا ہے۔ اسد قیصر نے 16 دسمبر کو پشاور میں پیش آنے والے افسوس ناک سانحے کی مذمت کرتے ہوئے کہا کہ ہماری ہمدردیاں سانحہ اے پی ایس کے شہداء کے لواحقین کے ساتھ ہیں۔

پی ٹی آئی رہنماؤں نے زور دیا کہ تمام اسٹیک ہولڈرز کو مل بیٹھ کر ملک کے مسائل کا حل نکالنا ہوگا۔ انہوں نے کہا کہ ہماری کوشش ہے کہ امیر جماعت اسلامی حافظ نعیم الرحمن قومی کانفرنس میں شریک ہوں۔

اس موقع پر اسد قیصر نے کہا کہ بانی چیئرمین سے ملاقات کے لیے ان کی بہنیں احتجاج پر بیٹھی ہیں جو عدالتی احکامات اور انصاف کی توہین ہے۔ انہوں نے کہا کہ یہ ہمارا ملک ہے، ہمیں ہی اسے آگے بڑھانا ہے، لیکن اس وقت ملک میں عملاً جمہوریت ختم ہو چکی ہے۔

ان کا کہنا تھا کہ ملک میں جمہوریت نہیں بلکہ 17 نشستوں کی حکومت ہے اور جس انداز میں ملک چلایا جا رہا ہے، اس طرح ریاستیں نہیں چلتیں۔ آج ووٹرز کی بے توقیری ہو رہی ہے، جبکہ بچوں کے مستقبل کے لیے اس ملک کو قائداعظم کے پاکستان کے طور پر آگے بڑھانا ناگزیر ہے۔