LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

سعودی عرب میں مجرمانہ سرگرمیاں، ہزاروں بھارتی شہری ملک بدر، مودی سرکار کو عالمی سطح پر ہزیمت

Web Desk

29 December 2025

بھارت ایک طرف خود کو عالمی سطح پر ایک ذمہ دار اور ابھرتی ہوئی طاقت کے طور پر پیش کرنے کی کوشش کرتا ہے، تاہم دوسری جانب اس کے شہری بیرونِ ملک غیر قانونی اور مجرمانہ سرگرمیوں میں ملوث ہو کر ملک بدری کا سامنا کر رہے ہیں۔ سعودی عرب سے ہزاروں بھارتی شہریوں کی ملک بدری نے مودی سرکار کے دعوؤں پر سنگین سوالات کھڑے کر دیے ہیں۔

عالمی خبر رساں ادارے کے مطابق سعودی عرب نے ملکی قوانین کی کھلی خلاف ورزیوں اور مجرمانہ سرگرمیوں میں ملوث بھارتی شہریوں کو حراست میں لینے کے بعد ملک بدر کیا۔ تازہ سرکاری اعداد و شمار سے انکشاف ہوا ہے کہ گزشتہ پانچ برسوں کے دوران سعودی عرب نے ہزاروں بھارتی شہریوں کو ملک بدر کیا، جو کسی بھی دوسرے ملک کے مقابلے میں نمایاں طور پر زیادہ ہے۔

اس حوالے سے خود بھارتی وزارتِ خارجہ نے پارلیمنٹ میں ایک چشم کشا رپورٹ پیش کی ہے، جس میں گزشتہ پانچ برسوں کے اعداد و شمار شامل ہیں۔ رپورٹ کے مطابق 2021 میں 8 ہزار 887، 2022 میں 10 ہزار 277، 2023 میں 11 ہزار 486، 2024 میں 9 ہزار 206 جبکہ رواں برس اب تک 7 ہزار 19 بھارتی شہریوں کو صرف سعودی عرب سے ملک بدر کیا جا چکا ہے۔

رپورٹ میں بتایا گیا ہے کہ ملک بدری کی بنیادی وجوہات میں ویزے کی مدت ختم ہونے کے باوجود قیام، غیر قانونی ملازمت، لیبر قوانین کی خلاف ورزی، آجر سے فرار اور بعض کیسز میں فوجداری مقدمات شامل ہیں۔

بھارتی وزیر مملکت برائے خارجہ امور کرتی وردھن سنگھ نے بھی اعتراف کیا ہے کہ زیادہ تر ملک بدریاں قانونی حیثیت کے بغیر کام کرنے اور رہائشی اجازت ناموں کی خلاف ورزی کے باعث ہوئیں۔ مبصرین کے مطابق یہ صورتحال نہ صرف میزبان ممالک کے قوانین کی توہین ہے بلکہ بھارت کی عالمی ساکھ کے لیے بھی نقصان دہ ثابت ہو رہی ہے۔

دلچسپ امر یہ ہے کہ بھارتی شہریوں کی ملک بدری کے یہ اعداد و شمار امریکا سمیت دیگر ممالک کے مقابلے میں بھی کہیں زیادہ ہیں، جبکہ دیگر ممالک سے ملک بدری کی شرح نسبتاً کم رہی ہے۔ ماہرین کے مطابق بھارت میں بڑھتی بے روزگاری، غیر ہنر مند لیبر کی بیرونِ ملک منتقلی اور قانونی آگاہی کی کمی اس سنگین مسئلے کی بنیادی وجوہات ہیں۔

ماہرین کا کہنا ہے کہ یہ صورتحال بھارت کے لیے ایک سنجیدہ لمحۂ فکریہ ہے، کیونکہ محض عالمی دعووں سے نہیں بلکہ عملی نظم و ضبط اور شہری ذمہ داری سے ہی کسی ملک کی عزت اور وقار قائم رہتا ہے۔