بھارتی خلائی پروگرام کو بڑا دھچکا، پولرسیٹلائٹ لانچ وہیکل مشن پھر ناکام

بھارت کے خلائی پروگرام کو ایک بڑا دھچکا لگا ہے، پولر سیٹلائٹ لانچ وہیکل مشن ایک بار پھر ناکام ہو گیا۔کشمیر میڈیاسروس کے مطابق بھارتی خلائی مشن  آندھرا پردیش کے ستیش دھون اسپیس سینٹر سے پرواز کے تقریباً آٹھ منٹ بعد تکنیکی خرابی کا شکار ہوگیا۔

جس کے نتیجے میں زمین کے مشاہدے کے لیے تیار کیا گیا مرکزی سیٹلائٹ انویشا سمیت16سیٹلائٹس تباہ ہوگئے۔2021کے بعد یہ اس راکٹ کی پانچویں اور گزشتہ 8ماہ کے دوران دوسری بڑی ناکامی ہے۔ جس کے بعد انڈین اسپیس ریسرچ آرگنائزیشن کی صلاحیت اور حکومت کی خلائی شعبے کو تیزی سے تجارتی بنانے کی پالیسی پر سوالات اٹھنے لگے ہیں۔

اس سے قبل 18 مئی 2025 کوتیسرے مرحلے کے سالڈ موٹر میں دباؤ کم سیٹلائٹ مدار تک نہیں پہنچ سکا تھا۔ماہرین کے مطابق ان ناکامیوں کے نتیجے میں بھارت کو مالی اور دفاعی دونوں سطحوں پر نقصان اٹھا جب کہ انڈین اسپیس ریسرچ آرگنائزیشن کی ناقص کارکردگی بھی کھل کر سامنے آگئی۔

پی ایس ایل وی تین دہائیوں تک قابل اعتماد سمجھا جانے والا راکٹ تھا جو اب مسلسل ناکامیوں کے باعث تحقیقات کے لیے عارضی طور پر روک دیا گیا ہے۔