ایشیا کپ ٹرافی کے معاملے پر جلد حل کی توقع، بھارتی بورڈ کا اعلان

بھارتی کرکٹ بورڈ کے سیکریٹری دیواجیت سائیکیا نے میڈیا سے گفتگو کرتے ہوئے کہا ہے کہ ایشیا کپ ٹرافی کے معاملے کو جلد حل ہونے کی امید ہے۔

آئی سی سی نے چیئرمین پی سی بی محسن نقوی کے ساتھ ملاقات کا اہتمام کیا، جو خوشگوار ماحول میں ہوئی۔ سیکریٹری بھارتی بورڈ نے بتایا کہ محسن نقوی سے دوستانہ ماحول میں ملاقات کی گئی، اور یہ ملاقات آئی سی سی کے آفیشل کے ذریعے ممکن ہوئی۔

انہوں نے مزید کہا کہ باہمی بات چیت کے ذریعے تمام مسائل کو حل کیا جائے گا۔