بھارت خود دہشت گردی اور عدم استحکام کا ذمہ دار ہے: دفتر خارجہ
Web Desk
3 January 2026
ترجمان دفتر خارجہ طاہر اندرابی نے بھارتی وزیر خارجہ کی جانب سے لگائے گئے الزامات کو سختی سے مسترد کرتے ہوئے کہا ہے کہ بھارت ایک بار پھر اپنے ہمسایہ ممالک میں دہشت گردی اور عدم استحکام کے کردار سے توجہ ہٹانے کی ناکام کوشش کر رہا ہے۔
ترجمان نے واضح کیا کہ بھارت کا دہشت گردی کو فروغ دینا اور پاکستان میں تخریبی سرگرمیوں میں ملوث ہونا عالمی سطح پر ایک دستاویزی حقیقت ہے۔ انہوں نے کہا کہ کلبھوشن یادیو کا کیس بھارت کی ریاستی سرپرستی میں دہشت گردی کا ناقابلِ تردید ثبوت ہے۔
دفتر خارجہ کے مطابق خطے میں ماورائے عدالت قتل، تخریب کاری اور پراکسی نیٹ ورکس کی بھارتی سرپرستی انتہائی تشویشناک ہے، جبکہ ہندوتوا نظریہ اور اس کے پرتشدد عناصر بھارت کی انتہا پسند اور جارحانہ پالیسیوں کی عکاسی کرتے ہیں۔
ترجمان نے کہا کہ بھارت کا جموں و کشمیر پر غیر قانونی اور جابرانہ قبضہ بدستور برقرار ہے اور پاکستان کشمیری عوام کی حقِ خودارادیت کی جدوجہد کی مکمل سیاسی، اخلاقی اور سفارتی حمایت جاری رکھے گا۔ انہوں نے واضح کیا کہ کشمیریوں کا حقِ خودارادیت اقوام متحدہ کی سلامتی کونسل کی قراردادوں میں تسلیم شدہ ہے۔
سندھ طاس معاہدے سے متعلق بات کرتے ہوئے ترجمان نے کہا کہ یہ معاہدہ نیک نیتی اور بھاری قربانیوں کے ساتھ طے پایا تھا، تاہم بھارت کی جانب سے اس کی یکطرفہ خلاف ورزی خطے کے امن کو شدید خطرے میں ڈال سکتی ہے۔
دفتر خارجہ نے خبردار کیا کہ سندھ طاس معاہدے کی خلاف ورزی بھارت کی بین الاقوامی ذمہ داریوں پر سنگین سوالات کھڑے کرے گی اور پاکستان معاہدے کے تحت اپنے جائز حقوق کے تحفظ کے لیے تمام ضروری اقدامات کرے گا۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026