بھارتی آبی دہشت گردی، دریائے چناب کا پانی روک لیا گیا

بھارت نے دریائے چناب کا پانی روک لیا ہے جس کے نتیجے میں دریا کے بہاؤ میں محض ایک ہی دن کے اندر 53 ہزار کیوسک کی شدید کمی ریکارڈ کی گئی ہے۔ ذرائع کے مطابق بھارت کی جانب سے پانی کا یہ بہاؤ سلال (Salal) اور بگلیہار (Baglihar) ڈیمز میں روکا گیا ہے، جو سندھ طاس معاہدے (Indus Waters Treaty) کی سنگین ورزی کے زمرے میں آتا ہے۔

محکمہ آبپاشی کے ذرائع کے مطابق ہیڈ مرالہ کے مقام پر صبح 7 بجے پانی کی آمد 74 ہزار کیوسک ریکارڈ کی گئی تھی، جو دوپہر 12 بجے تک گھٹ کر 31 ہزار کیوسک رہ گئی۔ بعد ازاں مرالہ کے مقام پر پانی کی آمد مزید کم ہو کر صرف 21 ہزار کیوسک پر آ گئی ہے، جس سے نچلے علاقوں میں زراعت اور آبی ذخائر پر شدید اثرات مرتب ہونے کا خدشہ ہے۔