اسلام آباد میں پاک تاجک ثقافتی میلے کا افتتاح کل، لوک ورثہ میں رنگا رنگ تقریبات

اسلام آباد: پاکستان اور تاجکستان کا پہلا مشترکہ ثقافتی میلہ کل (19 دسمبر) اسلام آباد کے لوک ورثہ میں افتتاح کیا جائے گا۔ یہ میلہ 19 اور 20 دسمبر کو جاری رہے گا اور عوام کے لیے کھلا ہوگا۔

میلے میں تاجک اور پاکستانی لوک موسیقی، رقص، تھیٹر کی پیشکش کے ساتھ ساتھ دستکاریوں، روایتی کھانوں اور ثقافتی نمائش کا بھی اہتمام کیا گیا ہے۔ نامور تاجک فنکار نوزیہ کرامت اللہ اور محمد رفیع کرامت اللہ کی پرفارمنس دیکھنے کو ملے گی۔

افتتاحی تقریب کے موقع پر وفاقی وزیر اورنگزیب خان کھچی کی تاجک وزیرِ ثقافت سے ملاقات ہوئی، جس میں دونوں ملکوں کے درمیان ثقافتی تعاون بڑھانے پر اتفاق کیا گیا۔پاک–تاجک ثقافتی میلہ دوستی اور ثقافتی ہم آہنگی کی علامت کے طور پر منایا جا رہا ہے اور اس کا مقصد عوام میں باہمی تعلقات کو مضبوط کرنا ہے۔