عدالتی فیصلے کے بعد عمران خان کی رہائی کیلئے نئی تحریک کا اعلان، وزیراعلیٰ سہیل آفریدی میدان میں آ گئے
Web Desk
20 December 2025
اسلام آباد: وزیراعلیٰ خیبر پختونخوا سہیل آفریدی نے عدالتی فیصلے کے بعد بانی پاکستان تحریک انصاف (پی ٹی آئی) عمران خان کی رہائی کے لیے نئی تحریک شروع کرنے کا اعلان کر دیا ہے۔
وزیراعلیٰ خیبر پختونخوا اچانک اسلام آباد کے سیکٹر ایف-6 میں واقع کوئٹہ ہوٹل پہنچے، جہاں انہوں نے عام شہریوں میں گھل مل کر ان سے براہِ راست گفتگو کی۔
شہریوں سے بات چیت کے دوران سہیل آفریدی کا کہنا تھا کہ انہیں عمران خان کا واضح پیغام موصول ہو چکا ہے، جس کے بعد اب گھروں میں بیٹھنے کا وقت ختم ہو گیا ہے۔ انہوں نے کہا کہ عمران خان کے پیغام کے ساتھ ہی اسٹریٹ موومنٹ کی تیاری شروع کر دی گئی ہے۔
وزیراعلیٰ کے مطابق وہ اور ان کی ٹیم ہر گلی، ہر مارکیٹ اور ہر محلے میں جائیں گے اور پورے ملک کو جدوجہد کے لیے متحرک کیا جائے گا۔ انہوں نے کہا کہ لوگوں کے دروازے کھٹکھا کر انہیں سڑکوں پر آنے کے لیے تیار کیا جائے گا اور آج سے عمران خان کے حکم پر ڈور ٹو ڈور مہم کا باقاعدہ آغاز کر دیا گیا ہے۔
سہیل آفریدی نے کہا کہ عمران خان اور ان کا خاندان قوم کے لیے قربانیاں دے رہے ہیں، اب قوم کی ذمہ داری ہے کہ وہ ان کی رہائی کے لیے اپنا کردار ادا کرے۔ ان کے مطابق عمران خان پاکستان اور آنے والی نسلوں کے مستقبل کی جنگ لڑ رہے ہیں اور ہر پاکستانی پر فرض ہے کہ وہ عمران خان کی رہائی اور پاکستان کی حقیقی آزادی کے لیے آواز بلند کرے۔
وزیراعلیٰ خیبر پختونخوا نے واضح کیا کہ یہ تحریک پرامن ہوگی اور عوامی طاقت کے ذریعے ملک میں حقیقی تبدیلی لانے کی کوشش کی جائے گی۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026