بانی پی ٹی آئی عمران خان سے بشریٰ بی بی کی اڈیالہ جیل میں ملاقات

پاکستان تحریک انصاف (پی ٹی آئی) کے بانی اور سابق وزیراعظم عمران خان سے ان کی اہلیہ بشریٰ بی بی کی ملاقات اڈیالہ جیل میں کروا دی گئی ہے۔ جیل ذرائع کے مطابق، یہ ملاقات جیل کے کانفرنس روم میں ہوئی جو تقریباً 40 منٹ تک جاری رہی۔ ملاقات کے دوران بشریٰ بی بی نے عمران خان کی خیریت دریافت کی اور خاص طور پر ان کی متاثرہ آنکھ کے حوالے سے تشویش کا اظہار کرتے ہوئے اس کی تازہ ترین صورتحال کے بارے میں پوچھا۔

ذرائع کا کہنا ہے کہ یہ ملاقات جیل کے طے شدہ ضابطہ کار اور جیل مینول کے تحت کروائی گئی، جس میں تمام قانونی اور حفاظتی تقاضوں کو پورا کیا گیا۔ ملاقات کے اختتام پر بشریٰ بی بی سخت سکیورٹی میں جیل سے واپس روانہ ہو گئیں۔