بانی پی ٹی آئی اور بشریٰ بی بی کے طبی معائنوں کی تفصیلات سامنے آگئیں

پنجاب کی جیل انتظامیہ کی جانب سے بانیِ پاکستان تحریک انصاف (پی ٹی آئی) عمران خان اور ان کی اہلیہ بشریٰ بی بی کے جیل میں کیے گئے طبی معائنوں کی تفصیلات منظرِ عام پر آ گئی ہیں۔ سرکاری اعداد و شمار کے مطابق بانی پی ٹی آئی کے مجموعی طور پر 29 طبی معائنے کیے گئے۔ ان کا پہلا طبی معائنہ 4 نومبر 2023ء کو ڈسٹرکٹ ہیڈ کوارٹرز ہسپتال (DHQ) راولپنڈی کے ڈاکٹر عزیز اور نیوروسرجن ڈاکٹر قاسم خان نے کیا۔ عمران خان کے 2023ء میں 5، 2024ء میں 16، 2025ء میں 5 اور 2026ء میں 12 مرتبہ طبی معائنے کیے گئے، جبکہ 3 مارچ کو معائنہ کرنے والے میڈیکل بورڈ نے انہیں دور اور نزدیک کی نظر کے لیے عینک استعمال کرنے کی ہدایت کی۔

دوسری جانب بشریٰ بی بی کے جیل میں مجموعی طور پر 10 طبی معائنے کیے گئے۔ ان کا پہلا طبی معائنہ 10 ستمبر 2025ء کو ڈاکٹر الطاف اور ڈاکٹر منصور نے کیا۔ بشریٰ بی بی کا سال 2025ء میں 1 اور سال 2026ء میں 9 مرتبہ طبی معائنہ کیا گیا، جبکہ مزید معائنہ جات اور علاج معالجے کی غرض سے انہیں دو مرتبہ الشفاء آئی ہسپتال راولپنڈی بھی منتقل کیا گیا۔