جے یو آئی کی مرکزی مجلس شوریٰ کا اہم اور ہنگامی اجلاس 23 اور 24 نومبر کو طلب

اسلام آباد: جمعیت علمائے اسلام (ف) کی مرکزی مجلس شوریٰ کا اہم اور ہنگامی اجلاس 23 اور 24 نومبر کو اسلام آباد میں طلب کر لیا گیا ہے۔ یہ اعلان جے یو آئی کے ترجمان اسلم غوری نے کیا۔

ترجمان کے مطابق اجلاس کی صدارت جے یو آئی کے سربراہ مولانا فضل الرحمان کریں گے، جبکہ ملک بھر سے شوریٰ کے ممبران اجلاس میں شرکت کریں گے۔اجلاس میں 27 ویں آئینی ترمیم اور حالیہ قانون سازی کے ممکنہ اثرات کا تفصیلی جائزہ لیا جائے گا۔ اس کے علاوہ دینی مدارس کی رجسٹریشن، حکومتی رویے اور مذہبی اداروں کے مستقبل سے متعلق اہم پالیسی امور پر بھی غور کیا جائے گا۔ترجمان کے مطابق اجلاس میں ملک کی مجموعی سیاسی صورتحال کے ساتھ ساتھ خطے کی موجودہ صورتحال پر بھی تفصیلی مشاورت کی جائے گی۔