پنجاب میں غیر قانونی مقیم غیر ملکیوں کا انخلا تیز: ہولڈنگ پوائنٹس پر سینکڑوں افراد موجود

پنجاب پولیس نے غیر قانونی مقیم غیر ملکیوں کے انخلا کی تازہ ترین رپورٹ جاری کر دی ہے۔ رپورٹ کے مطابق ڈی پورٹ ہونے والوں میں 11 ہزار 190 ایسے افراد شامل ہیں جن کے پاس کوئی سفری دستاویزات نہیں تھیں، جبکہ رہائشی ثبوت رکھنے والے 10 ہزار 441 اور افغان سٹیزن کارڈ ہولڈرز 11 ہزار 98 افراد کو بھی واپس بھیجا گیا ہے۔ اس وقت بھی 346 افراد ہولڈنگ پوائنٹس پر موجود ہیں جنہیں قانونی کارروائی کے بعد روانہ کیا جائے گا۔ ترجمان کے مطابق انخلا کے عمل کو انسانی ہمدردی اور بین الاقوامی قوانین کے مطابق مکمل کیا جا رہا ہے۔