LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف سٹاک مارکیٹ میں تیزی، کاروبار کا مثبت رجحان رہا جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی عالمی و مقامی سطح پر سونے چاندی کی قیمتوں میں کمی امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد

ون کانسٹیٹیوشن ایونیو کیس میں بڑی پیشرفت: اسلام آباد ہائی کورٹ کا اپارٹمنٹ مالکان کو تاحکمِ ثانی بے دخلی سے روکنے کا حکم

Web Desk

25 May 2026

اسلام آباد ہائی کورٹ نے وفاقی دارالحکومت کے معروف ترین اور متنازع پراجیکٹ ”ون کانسٹیٹیوشن ایونیو“ کے سب لیز ہولڈر اپارٹمنٹ مالکان کو ایک بڑا ریلیف دے دیا ہے۔ عدالتِ عالیہ نے سی ڈی اے کو حکم دیا ہے کہ اپارٹمنٹ کے مالکان کو تاحکمِ ثانی وہاں سے بے دخل نہ کیا جائے۔

یہ اہم حکم اسلام آباد ہائی کورٹ کے دو رکنی بینچ، جس میں جسٹس محمد اعظم خان اور جسٹس انعام امین منہاس شامل ہیں، نے سابق ایئر چیف مجاہد انور خان، سابق صدر آئی سی سی احسان مانی اور سابق چیئرمین سینیٹ وسیم سجاد سمیت دیگر معزز شخصیات کی جانب سے دائر انٹراکورٹ اپیلوں پر سماعت کے بعد جاری کیا۔

سماعت کے دوران جب سی ڈی اے کے وکیل کاشف علی ملک ایڈوکیٹ نے یہ انکشاف کیا کہ اس بلڈنگ کو ابھی تک سی ڈی اے کی طرف سے مکمل ہونے کا باقاعدہ سرٹیفکیٹ (Completion Certificate) جاری ہی نہیں ہوا، تو معزز جج برہم ہو گئے۔ ”جب بلڈنگ کو مکمل ہونے کا سرٹیفکیٹ ہی نہیں ملا تھا اور رہائشیوں نے وہاں باقاعدہ رہنا شروع کر دیا، تو اس وقت کیا سی ڈی اے سو رہا تھا؟“

جسٹس انعام امین منہاس نے سی ڈی اے کے وکیل سے سوال کیا کہ ”جو لوگ اس بلڈنگ میں داخل ہوئے اور وہاں رہنے لگے، آپ نے (سی ڈی اے نے) ان کو تسلیم (Recognise) کیوں کیا تھا؟“ انہوں نے مزید ریمارکس دیے کہ اپیل کنندگان نے جس سنگل بنچ کے آرڈر کو چیلنج کیا ہے، اس کے مطابق بھی ان کا حق تو موجود نظر آتا ہے۔سماعت کے دوران اپیل کنندگان اور سی ڈی اے کے وکلاء کے مابین شدید بحث دیکھنے کو ملی وکلاء نے عدالت کو بتایا کہ سی ڈی اے پہلے ہی اپارٹمنٹ مالکان کے حقوق کو تسلیم کر چکا ہے اور ان سے 15 یا 18 فیصد لیز کی رقم بھی وصول کی جا چکی ہے۔ انہوں نے خدشہ ظاہر کیا کہ ”کیا سی ڈی اے عید کے دنوں میں ان اپارٹمنٹس کا قبضہ لینا چاہتا ہے؟“ وکیل سردار تیمور اسلم نے بتایا کہ اس معاملے پر وزیراعظم نے بھی ایک کمیٹی بنا رکھی ہے جس کی سفارشات وفاقی کابینہ اور پھر سی ڈی اے بورڈ میں جانی ہیں۔ اس وقت ریزیڈنس کمیٹی بلڈنگ چلا رہی ہے، لہذا سی ڈی اے کو اس پر کوئی مسئلہ نہیں ہونا چاہیے۔سی ڈی اے کے وکیل نے ان اپیلوں کی قانونی حیثیت پر اعتراض اٹھاتے ہوئے کہا کہ ”ہمارا موقف ہے کہ یہ اپیلیں قابلِ سماعت ہی نہیں ہیں۔“ انہوں نے عدالت کو بتایا کہ چیئرمین سی ڈی اے بیرونِ ملک تھے اور کل ہی واپس آئے ہیں، لیکن اس کے باوجود انہوں نے عدالت میں جواب جمع کرا دیا ہے۔ ان کا کہنا تھا کہ سنگل بنچ کے فیصلے کے پیراگراف 30 کے ساتھ ساتھ پورے فیصلے کا جائزہ لینا ضروری ہے۔

معزز عدالت نے واضح کیا کہ کیس کے تفصیلی قانونی نکات کو بعد میں سنا جائے گا، لیکن آج عدالت نے صرف حکمِ امتناع (اسٹے) کی حد تک درخواست کو دیکھنا تھا۔

دونوں اطراف کے دلائل سننے اور عدالتی حکم پر سنگل بنچ کے فیصلے کا متعلقہ پیراگراف پڑھے جانے کے بعد، اسلام آباد ہائی کورٹ نے اپارٹمنٹ مالکان کے تھرڈ پارٹی رائٹس (Third-Party Rights) کے تحفظ کی درخواست منظور کرتے ہوئے تاحکمِ ثانی ان رہائشیوں کو بے دخل کرنے سے روک دیا ہے۔