بانی پی ٹی آئی کو شفا ہسپتال منتقل کرنے کی درخواست پر نوٹس جاری

اسلام آباد ہائیکورٹ نے بانی پی ٹی آئی کو علاج کے لیے اڈیالہ جیل سے شفا انٹرنیشنل ہسپتال منتقل کرنے کی درخواست پر وفاقی حکومت اور متعلقہ حکام کو نوٹس جاری کر دیے ہیں۔ جسٹس ارباب محمد طاہر اور جسٹس خادم حسین سومرو پر مشتمل بنچ نے سماعت کی۔ بانی پی ٹی آئی کے وکلا لطیف کھوسہ اور سلمان اکرم راجہ نے درخواست جلد سماعت کے لیے مقرر کرنے کی استدعا کی، جس پر عدالت نے واضح کیا کہ پیپر بک کی تیاری میں وقت درکار ہے، تاہم فوری طور پر ریاست سے جواب طلب کر لیا گیا ہے۔