LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

ایمان مزاری اور ہادی چٹھہ کی سزا کے خلاف اپیلوں پر جواب طلب

Web Desk

19 February 2026

اسلام آباد ہائیکورٹ نے متنازع ٹوئٹس کیس میں ایڈووکیٹ ایمان مزاری اور ہادی علی چٹھہ کی سزا کے خلاف دائر اپیلوں پر وفاقی تحقیقاتی ادارے (FIA) کو نوٹس جاری کر دیے ہیں۔ عدالت نے سزا معطلی کی درخواستوں پر بھی جواب طلب کرتے ہوئے سماعت ملتوی کر دی ہے۔

ہائیکورٹ میں سماعت کا احوال

جسٹس محمد آصف نے کیس کی سماعت کی۔ ملزمان کے وکیل فیصل صدیقی ایڈووکیٹ نے موقف اختیار کیا کہ ٹرائل کورٹ نے کیس دوسری عدالت منتقل کرنے کی درخواست زیرِ التوا ہونے کے باوجود فیصلہ سنا دیا۔ انہوں نے عدالت کو بتایا کہ دو گواہوں کے بیانات ملزمان کی غیر موجودگی میں ریکارڈ کیے گئے اور جج نے فیصلہ سنانے کے بعد اس میں سے ایک پیراگراف بھی نکال دیا۔ وکیل نے استدعا کی کہ “سزا دینی ہے تو دس بار دیں لیکن قانونی تقاضے پورے کرتے ہوئے ٹرائل تو کیا جائے”۔ عدالت نے پیپر بکس طلب کرتے ہوئے آئندہ ہفتے کی تاریخ دینے کی یقین دہانی کرائی ہے۔

پولیس جھگڑا کیس: اے ٹی سی سے ضمانت منظور

دوسری جانب، انسدادِ دہشت گردی عدالت (ATC) اسلام آباد نے پولیس کے ساتھ لڑائی جھگڑے اور احتجاج کے ایک الگ مقدمے میں ایمان مزاری اور ہادی علی چٹھہ کی ضمانتیں منظور کر لی ہیں۔

جج ابوالحسنات محمد ذوالقرنین نے 10، 10 ہزار روپے کے ضمانتی مچلکوں کے عوض رہائی کا حکم دیا۔ سماعت کے دوران وکیل ریاست علی آزاد نے دلائل دیے کہ تھانہ سیکرٹریٹ میں درج یہ مقدمہ من گھڑت اور بے بنیاد ہے جس کا حقیقت سے کوئی تعلق نہیں۔ عدالت نے دلائل مکمل ہونے پر دونوں ملزمان کی ضمانت بعد از گرفتاری کی درخواستیں منظور کر لیں۔