آئی سی سی کا بڑا فیصلہ: بنگلا دیش کو جرمانے سے استثنیٰ، ایونٹ کی میزبانی بھی ملے گی

انٹرنیشنل کرکٹ کونسل نے پاکستان اور بنگلا دیش کرکٹ بورڈز کے ساتھ ہونے والے اہم مذاکرات کے بعد باضابطہ تفصیلات جاری کر دی ہیں۔

آئی سی سی کے اعلامیے کے مطابق ٹی ٹوئنٹی ورلڈکپ 2026 میں شرکت نہ کرنے پر بنگلا دیش کے خلاف کسی بھی قسم کی مالی کارروائی نہیں کی جائے گی۔ اس کے ساتھ ہی بنگلا دیش کو مستقبل میں آئی سی سی ایونٹ کی میزبانی دینے کا فیصلہ بھی کیا گیا ہے۔

اعلامیے میں بتایا گیا ہے کہ بنگلا دیش کرکٹ بورڈ 2028 سے 2031 کے دوران ایک آئی سی سی ایونٹ کی میزبانی کرے گا۔

ذرائع کا کہنا ہے کہ آئی سی سی نے بنگلا دیش کرکٹ بورڈ کے مطالبات پر مثبت ردعمل دیا اور مسئلے کے حل کے لیے باقاعدہ فارمولا طے کیا گیا۔