امریکی اوراسرائیلی جارحیت کا مقابلہ کریں گے، حزب اللہ کا اعلان

لبنان کی تنظیم حزب اللہ نے اعلان کیا ہے کہ ایران کے خلاف امریکا اور اسرائیل کی جارحیت‘کا مقابلہ کرے گی۔حزب اللہ کے سیکریٹری جنرل نعیم قاسم کا ایک بیان میں کہنا تھا کہ ان کی تنظیم مزاحمت کا راستہ نہیں چھوڑے گی۔

نعیم قاسم نے ایرانی سپریم لیڈرآیت اللہ خامنہ ای پر امریکا اور اسرائیل کے حملے کو مجرمانہ‘ سرگرمی قرار دیتے ہوئے کہا کہ خدا پر اعتماد، رہنمائی اور حمایت کے ساتھ ہم اس جارحیت کا مقابلہ کرنے کی اپنی ذمے داری پوری کریں گے۔

اس سے قبل حزب اللہ نے کہا تھا کہ وہ کسی بھی تنازع کا حصہ نہیں بنے گی لیکن آیت اللہ خامنہ ای پر کسی بھی حملے کو ’سُرخ لکیر‘ سمجھا جائے گا۔