ٹرمپ کی انتخابی شکست ہمارے لئے ایک اچھا موقع ہے: سربراہ حزب اللہ نعیم قاسم

حزب اللہ کے سربراہ نعیم قاسم نے کہا ہے کہ امریکا میں سیاسی زلزلہ آیا ہے اور ڈونلڈ ٹرمپ کو شکست کا سامنا کرنا پڑا ہے، جو خطے کی مزاحمتی قوتوں کے لیے ایک بہت بڑا اور سازگار موقع ہے۔

اپنے ایک بیان میں حزب اللہ کے سربراہ نعیم قاسم نے کہا کہ اگرچہ بعض حلقوں کا یہ مؤقف ہے کہ امریکا میں ڈیموکریٹس اور ریپبلکنز کی بنیادی پالیسیاں ایک جیسی ہوتی ہیں، تاہم اس حقیقت سے انکار نہیں کیا جا سکتا کہ ٹرمپ کی شکست اپنی جگہ انتہائی اہمیت کی حامل ہے۔ انہوں نے الزام عائد کیا کہ ایران، لبنان، فلسطین اور یمن کے خلاف جارحانہ محاذ آرائی کرنے والے ڈونلڈ ٹرمپ کو سیاسی طور پر ذلت اور ہزیمت اٹھانی پڑی ہے۔

نعیم قاسم نے مزید کہا کہ ٹرمپ کی اس شکست کے خطے پر مثبت اثرات ضرور مرتب ہوں گے، اور مشرقِ وسطیٰ کے حوالے سے ان کا جارحانہ منصوبہ اب پہلے کی طرح آسانی سے آگے نہیں بڑھ سکے گا۔ انہوں نے دعویٰ کیا کہ اس سیاسی تبدیلی کے بعد اب اسرائیلی وزیراعظم بنجامن نیتن یاہو اور ڈونلڈ ٹرمپ دونوں سیاسی طور پر کمزور اور ٹوٹ چکے ہیں۔