سنگاپور دنیا کے طاقتور پاسپورٹ میں پھر سرفہرست، پاکستان کا 100 واں نمبر

عالمی سفری آزادی اور پاسپورٹس کی درجہ بندی کرنے والے معتبر ادارے ‘ہینلے پاسپورٹ انڈیکس’ نے سال 2026 کی نئی رپورٹ جاری کر دی ہے، جس کے مطابق سنگاپور نے 192 ممالک تک ویزا فری یا ویزا آن ارائیول رسائی کے ساتھ ایک بار پھر دنیا کے طاقتور ترین پاسپورٹ کا اعزاز اپنے نام برقرار رکھا ہے۔ تازہ درجہ بندی میں جاپان، جنوبی کوریا اور متحدہ عرب امارات (UAE) 188 ممالک میں بغیر پیشگی ویزا انٹری کے ساتھ مشترکہ طور پر دوسرے، جبکہ سویڈن تیسرے نمبر پر ہے۔ اس کے برعکس، کمزور ترین پاسپورٹس کی فہرست میں افغانستان 23 ممالک تک رسائی کے ساتھ آخری (103 ویں) نمبر پر موجود ہے۔ رپورٹ کے مطابق، پاکستانی پاسپورٹ دنیا کے کمزور ترین پاسپورٹس کی فہرست میں برقرار ہے اور 30 ممالک تک ویزا فری رسائی کے ساتھ 100 ویں نمبر پر آیا ہے، جو یمن، صومالیہ اور بنگلہ دیش جیسے ممالک سے بھی نیچے ہے۔ واضح رہے کہ یہ انڈیکس دنیا بھر کے پاسپورٹس کی عالمی حیثیت کو جانچنے کا اہم ترین پیمانہ مانا جاتا ہے۔