ہانیہ عامر عاصم اظہر کے نام کا ماسک پہن کر کنسرٹ پہنچ گئیں

پاکستانی اداکارہ ہانیہ عامر کی امریکہ میں عاصم اظہر کے کنسرٹ میں شرکت نے سوشل میڈیا پر نئی بحث چھیڑ دی ہے۔ وائرل ہونے والی ویڈیوز میں دیکھا جا سکتا ہے کہ ہانیہ عامر نے اپنی شناخت چھپانے کے لیے سرخ ماسک اور کیپ کا استعمال کیا، تاہم مداحوں نے انہیں فوراً پہچان لیا۔ سوشل میڈیا صارفین کا دعویٰ ہے کہ اداکارہ کے ماسک پر مبینہ طور پر “عاصم علی” درج تھا۔ کنسرٹ کے دوران ہانیہ عامر نہ صرف عاصم کے گانوں پر جھومتی رہیں بلکہ ایک موقع پر گلوکار نے اسٹیج سے جھک کر ان سے مصافحہ بھی کیا۔ عاصم اظہر اور میرب علی کے درمیان مبینہ علیحدگی کی خبروں کے بعد، ہانیہ اور عاصم کے اس طرح دوبارہ قریب آنے نے ان قیاس آرائیوں کو مزید تقویت دی ہے کہ شاید دونوں کے درمیان تعلقات دوبارہ بحال ہو رہے ہیں۔ تاہم، دونوں فنکاروں کی جانب سے تاحال اس معاملے پر خاموشی برقرار ہے۔