LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی 10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق شاہ سلمان کا نئی عسکری تقرریوں کا شاہی فرمان جاری، اہم عہدوں پر تبدیلیاں پاکستان خطے میں ترقی، امن اور استحکام کیلئے کردار ادا کرتا رہے گا: اسحاق ڈار ای سی او ممالک کے درمیان علاقائی تعاون، معاشی انضمام کے فروغ کیلئے پرعزم ہیں: وزیراعظم ایم کیو ایم پاکستان کا وزیراعلیٰ سندھ مراد علی شاہ سے پھر استعفے کا مطالبہ بانی پی ٹی آئی اور بشریٰ بی بی کی جیل میں ملاقات کرا دی گئی روس یوکرین میں ڈرون جنگ شدت اختیار کرگئی، دونوں جانب بھاری نقصانات موسمیاتی تبدیلیوں سے نمٹنے کیلئے مشترکہ عالمی حکمت عملی ناگزیر: مراد علی شاہ

لاکھوں نوجوان بنوقابل پروگرام میں رجسٹرڈ، جلد آئی ٹی یونیورسٹی بنائیں گے: حافظ نعیم

Web Desk

19 July 2026

امیر جماعت اسلامی پاکستان حافظ نعیم الرحمان نے الخدمت کے ‘بنو قابل’ پروجیکٹ کے چوتھے سالانہ کانووکیشن سے خطاب کرتے ہوئے اعلان کیا ہے کہ اس پروگرام کے تحت اب تک 16 لاکھ سے زائد نوجوان رجسٹرڈ ہو چکے ہیں اور جماعت اسلامی جلد ہی ملک میں ایک جدید آئی ٹی یونیورسٹی قائم کرنے جا رہی ہے۔ کراچی میں منعقدہ اس تقریب کو ملکی تاریخ کی سب سے بڑی گریجویشن تقریب قرار دیتے ہوئے انہوں نے کورسز مکمل کرنے والے طلبہ و طالبات کو مبارکباد دی اور واضح کیا کہ جماعت اسلامی نے نوجوانوں کو آئی ٹی سمیت مختلف کورسز مکمل طور پر مفت کروائے ہیں اور اس مد میں ایک پائی بھی وصول نہیں کی گئی۔ حافظ نعیم الرحمان نے حکومت کو آڑے ہاتھوں لیتے ہوئے کہا کہ آئین کے تحت شہریوں کو مفت اور معیاری تعلیم دینا ریاست کی ذمہ داری ہے، مگر حکمرانوں نے نوجوانوں پر تعلیم اور روزگار کے دروازے بند کر رکھے ہیں، جبکہ کراچی کے سرکاری اسکول اور جامعات بنیادی سہولیات سے محروم ہیں۔

انہوں نے دعویٰ کیا کہ پاکستان میں آئی ٹی کے شعبے میں 18 سے 20 ارب ڈالر کمانے کی صلاحیت موجود ہے، جو ملک کو معاشی بحران سے نکال کر ترقی کی نئی منزلوں پر لے جا سکتی ہے۔ امیر جماعت اسلامی نے نوجوانوں پر زور دیا کہ وہ مایوسی کا شکار ہونے کے بجائے اتحاد، محنت اور کردار سازی کو اپنا شعار بنائیں اور منشیات کے خلاف مہم کا حصہ بنیں۔ بلوچستان سمیت ملک کے دیگر حصوں کے مسائل پر گفتگو کرتے ہوئے ان کا کہنا تھا کہ یہ مسائل طاقت کے استعمال سے نہیں بلکہ تعلیم، انصاف اور یکساں مواقع فراہم کرنے سے حل ہوں گے۔ انہوں نے واضح کیا کہ بنو قابل پروگرام بلاامتیاز تمام پاکستانیوں کے لیے ہے اور اس میں اقلیتی برادری کے نوجوان بھی برابر کے شریک ہیں۔

متعلقہ عنوانات