H-1B ویزا سسٹم میں بڑی اصلاحات، زیادہ ہنر مند اور زیادہ تنخواہ والے امیدوار  ترجیح

واشنگٹن میں محکمۂ داخلی سلامتی (DHS) نے H-1B ورک ویزا کے انتخابی نظام میں اہم تبدیلیوں کا اعلان کر دیا ہے، جس کے تحت رینڈم لاٹری سسٹم ختم کر کے زیادہ ہنر مند اور زیادہ تنخواہ لینے والے غیر ملکی امیدواروں کو ترجیح دی جائے گی۔

امریکی امیگریشن حکام کے مطابق پرانا لاٹری نظام بعض امریکی آجرین کی جانب سے کم تنخواہ پر غیر ملکی ورکرز لانے کے لیے استعمال ہو رہا تھا، جس سے امریکی ملازمین متاثر ہو رہے تھے۔ نیا Weighted Selection System کانگریس کی منشا کے مطابق H-1B پروگرام کو شفاف بنانے اور امریکی ورکرز کے حقوق کے تحفظ کے لیے متعارف کرایا گیا ہے۔

H-1B ویزا کی سالانہ حد 65 ہزار جبکہ امریکی اعلیٰ تعلیمی ڈگری رکھنے والوں کے لیے 20 ہزار اضافی ویزے برقرار رہیں گے۔ نیا قانون 27 فروری 2026 سے نافذ ہوگا اور FY-2027 کے H-1B رجسٹریشن سیزن پر لاگو ہوگا۔

حکام کے مطابق یہ اقدام H-1B پروگرام میں بدعنوانی روکنے، امریکی معیشت کو مضبوط بنانے اور اعلیٰ مہارت کے حامل ورکرز کی حوصلہ افزائی کے لیے ایک اہم قدم ہے۔