متحدہ عرب امارات، سعودی عرب، کویت اور بحرین پر میزائل اور ڈرون حملے

متحدہ عرب امارات، کویت، سعودی عرب اور بحرین سے میزائل اور ڈرون حملوں کی اطلاعات سامنے آئی ہیں جس کے بعد خطے میں سیکیورٹی ہائی الرٹ کر دی گئی ہے۔

متحدہ عرب امارات کی وزارت دفاع کے مطابق ایران کی جانب سے ممکنہ خطرات کا جواب دیا جا رہا ہے اور شہریوں کو آگاہ کیا گیا ہے کہ فضائی دفاعی نظام کے ذریعے حملے ناکام بنانے کی آوازیں سنائی دے سکتی ہیں۔کویت نے بھی شہریوں کو دھماکوں سے متعلق خبردار کرتے ہوئے ہدایت کی ہے کہ وہ حکام کی جانب سے جاری حفاظتی اقدامات پر عمل کریں۔سعودی عرب کی وزارت دفاع نے مشرقی علاقے میں پانچ ڈرونز مار گرانے کا دعویٰ کیا ہے جبکہ بحرین میں سائرن بجنے کے بعد شہریوں کو محفوظ مقامات پر منتقل ہونے کی ہدایت دی گئی۔

بحرینی حکام کے مطابق حملہ ایران کی جانب سے کیا گیا جس کے نتیجے میں شریپنل لگنے سے ایک گودام میں آگ بھڑک اٹھی۔