LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

سانحہ گل پلازہ: پراسیکیوشن نے پولیس چالان پھر مسترد کر دیا، تفتیش ناقص قرار

Web Desk

3 July 2026

سٹی کورٹ کراچی میں سانحہ گل پلازہ کیس کی سماعت کے دوران پراسیکیوشن نے پولیس کی جانب سے جمع کرایا گیا چالان ایک بار پھر واپس کر دیا ہے۔ ذرائع کے مطابق، پراسیکیوشن نے پولیس کی تفتیش کو نامکمل، ناقص اور کمزور قرار دیتے ہوئے اس میں متعدد سنگین خامیوں کی نشاندہی کی ہے۔ اس صورتحال کا فوری نوٹس لیتے ہوئے ڈی آئی جی ساؤتھ کراچی نے صورتحال کا تفصیلی جائزہ لینے کے لیے ایک ہنگامی اجلاس بھی طلب کر لیا ہے۔

پراسیکیوشن کا مؤقف ہے کہ پہلے چالان میں جن خامیوں کی نشاندہی کی گئی تھی، پولیس نئی رپورٹ میں بھی انہیں دور کرنے میں بری طرح ناکام رہی ہے۔ پراسیکیوشن ذرائع کے مطابق چالان کے ساتھ سب سے اہم دستاویزی ثبوت یعنی عدالتی کمیشن کی رپورٹ منسلک نہیں کی گئی۔ تفتیش میں اس بنیادی نکتے کو نظرانداز کیا گیا کہ حادثے کے وقت عمارت کے ایمرجنسی گیٹ کیوں بند تھے اور راستے کس نے بلاک کیے تھے۔ پلازہ میں مروجہ قوانین کے خلاف ورزی کرتے ہوئے ایک دکان کی جگہ دو اور تین دکانیں قائم کیے جانے کے معاملے کی بھی کوئی انکوائری نہیں کی گئی۔ سب سے بڑھ کر یہ کہ تفتیش کے دوران سندھ بلڈنگ کنٹرول اتھارٹی (SBCA)، کراچی میٹروپولیٹن کارپوریشن (KMC) اور فائر بریگیڈ کے متعلقہ ذمہ دار حکام کو شاملِ تفتیش ہی نہیں کیا گیا، جو کہ سراسر غفلت ہے۔

پولیس کی جانب سے جمع کرائے گئے چار صفحات پر مشتمل چالان میں ایک 11 سالہ بچے سمیت چھ افراد کو اس ہولناک سانحے کا ذمہ دار قرار دیتے ہوئے ملزم نامزد کیا گیا ہے۔ چالان میں تنویر پاستا (یونین صدر)، عمار اسماعیل (نائب صدر)، امین (جنرل سیکرٹری)، محمد رمضان (جوائنٹ سیکرٹری) اور نعمت اللہ (اس دکان کے مالک جہاں سے آگ شروع ہوئی) کو نامزد کیا گیا ہے، جبکہ کیس میں 60 سے زائد گواہوں کے نام بھی شامل کیے گئے ہیں۔

ذرائع کے مطابق، نامزد ملزم 11 سالہ بچے حذیفہ سمیت چار گواہوں کے بیانات عدالت میں ریکارڈ کیے جا چکے ہیں۔ کمسن حذیفہ نے عدالت کے روبرو اعتراف کیا ہے کہ وہ حادثے کے وقت ماچس کی تیلیوں سے کھیل رہا تھا جس کے بعد دکان میں آگ بھڑک اٹھی تھی۔ پراسیکیوشن کی جانب سے چالان کی واپسی کے بعد اب پولیس کو ان تمام خامیوں کو دور کر کے دوبارہ جامع رپورٹ پیش کرنی ہوگی۔