گرین لائن کامن کوریڈور 31 اکتوبر 2026 تک کھول دیا جائے گا، میئر کراچی کا اعلان
Web Desk
24 November 2025
میئر کراچی بیرسٹر مرتضیٰ وہاب نے اعلان کیا ہے کہ گرین لائن کا کامن کوریڈور 31 اکتوبر 2026 تک مکمل کر کے شہریوں کے لیے کھول دیا جائے گا۔ انہوں نے یہ اعلان کراچی میں پریس کانفرنس سے خطاب کرتے ہوئے کیا۔
مرتضیٰ وہاب نے کہا کہ گرین لائن منصوبے کی تعمیر کے باعث شہریوں کو شدید مشکلات کا سامنا کرنا پڑا، تاہم کام مکمل ہونے کے بعد یہ منصوبہ شہر کے ٹرانسپورٹ نظام میں نمایاں بہتری لائے گا اور عوام کو جدید سفری سہولت میسر ہوگی۔
میئر کراچی نے بتایا کہ گرین لائن منصوبہ شروع کرتے وقت کے ایم سی کو اعتماد میں نہیں لیا گیا تھا، جس کے نتیجے میں مختلف اداروں کے درمیان رابطے کے مسائل پیدا ہوئے۔ تاہم اب تمام حکومتی و بلدیاتی ادارے مشترکہ طور پر مسائل کو حل کرنے کے لیے سرگرم ہیں۔
انہوں نے مزید کہا کہ حکومت نے ریڈ لائن منصوبے کے تمام تکنیکی و انتظامی مسائل بھی حل کر دیے ہیں اور آئندہ چند روز میں اس منصوبے پر بھی باضابطہ تعمیراتی کام شروع کر دیا جائے گا۔
دوسری جانب، ایم کیو ایم کے رہنما امین الحق نے کہا کہ میئر کراچی نے سڑکوں کی خرابی اور ڈرینیج کے مسائل کے حوالے سے درست نشاندہی کی تھی، جس پر انہوں نے پی آئی ڈی سی ایل سے بات کی ہے اور مرتضیٰ وہاب کے تحفظات کو حقیقت پر مبنی قرار دیا۔
متعلقہ عنوانات
7 ویں این ایف سی اور آرٹیکل 160 کی وضاحت کے لیے وفاقی آئینی عدالت سے رجوع کر لیا ہے: مزمل اسلم
20 July 2026
ڈویڈنڈ انکم پر 35 فیصد ٹیکس وصولی کا ایف بی آر کا موقف مسترد
20 July 2026
پاکستان اور کینیڈا کے تعلقات میں نیا سنگِ میل، اقتصادی تعاون بڑھانے پر اتفاق
20 July 2026
الیکشن کمیشن نے سیاسی جماعتوں سے مالی گوشوارے طلب کر لیے
20 July 2026
پاکستان اور کینیڈا کے درمیان ترجیحی شعبوں میں دوطرفہ تعاون بڑھانے پر اتفاق
20 July 2026
عمران خان سے ملاقاتوں کا کیس: عدالت کا جیل انتظامیہ سے ریکارڈ پیش کرنے کا حکم
20 July 2026
طوفانی بارشیں، بادل پھٹنے سے مختلف علاقوں میں سیلابی صورتحال، لینڈسلائیڈنگ سے 4 مزدور جاں بحق
20 July 2026
وفاقی حکومت کا کفایت شعاری اقدامات جاری رکھنے کا فیصلہ
20 July 2026