پیٹرول اور ڈیزل 1 روپے 97 پیسے سستا، پٹرول پر لیوی میں 6 روپے سے زائد کا اضافہ

وفاقی حکومت نے عوام کے لیے پیٹرولیم مصنوعات کی قیمتوں میں معمولی ریلیف کا اعلان کر دیا ہے، جس کا نوٹیفکیشن پیٹرولیم ڈویژن کی جانب سے جاری کر دیا گیا ہے۔ نوٹیفکیشن کے مطابق پیٹرول اور ہائی اسپیڈ ڈیزل کی قیمتوں میں 1 روپے 97 پیسے فی لیٹر تک کمی کر دی گئی ہے۔

دوسری جانب ذرائع کا کہنا ہے کہ قیمتوں میں معمولی کمی کے ساتھ ہی حکومت نے پیٹرول پر عائد پیٹرولیم لیوی میں اضافہ کر دیا ہے۔ پیٹرول پر لیوی میں 6 روپے 22 پیسے فی لیٹر اضافہ کیا گیا ہے، جس کے بعد پیٹرول پر لیوی 64 روپے 14 پیسے سے بڑھ کر 70 روپے 36 پیسے فی لیٹر ہو گئی ہے۔

تاہم، ڈیزل کے صارفین کے لیے لیوی میں ریلیف دیا گیا ہے۔ ڈیزل پر عائد پیٹرولیم لیوی میں 6 روپے 22 پیسے کی کمی کی گئی ہے، جس کے بعد ڈیزل پر لیوی 77 روپے 4 پیسے سے کم ہو کر 70 روپے 82 پیسے فی لیٹر پر آ گئی ہے