رانا تنویر کی اپوزیشن کو مذاکرات کی پیشکش، پی ٹی آئی کو جمہوری طریقہ اپنانے کا مشورہ

وفاقی وزیر برائے قومی غذائی تحفظ و تحقیق رانا تنویر حسین نے کہا ہے کہ موجودہ حکومت مسائل کے حل کے لیے مذاکرات پر یقین رکھتی ہے اور تحریکِ انصاف کو اب یہ سمجھنا چاہیے کہ سیاست میں جمہوری طریقہ اپنایا جائے۔ مریدکے میں میڈیا سے گفتگو کرتے ہوئے وفاقی وزیر کا کہنا تھا کہ وزیراعظم شہباز شریف محدود وسائل کے باوجود عوام کو ریلیف فراہم کرنے اور پٹرولیم مصنوعات کی قیمتوں میں کمی کے لیے مسلسل کوششیں کر رہے ہیں۔ بھارتی بیانیے پر بات کرتے ہوئے انہوں نے کہا کہ بھارت نے ایک بار پھر پاکستان مخالف پروپیگنڈا شروع کیا ہے، جس کا پاکستان اور بالخصوص ہماری وزارتِ خارجہ نے منہ توڑ جواب دیا ہے۔