حکومت نے پٹرولیم مصنوعات کی نئی قیمتوں کا اعلان کردیا

حکومت کی جانب سے پٹرولیم مصنوعات کی نئی قیمتوں کا باضابطہ اعلان کر دیا گیا ہے۔ پیٹرولیم ڈویژن کی جانب سے جاری کردہ نوٹیفکیشن کے مطابق، پٹرول کی قیمت میں 35 پیسے فی لٹر معمولی کمی کی گئی ہے، جس کے بعد پٹرول کی نئی قیمت 315 روپے 80 پیسے فی لٹر مقرر کر دی گئی ہے۔ اس کے برعکس، ہائی سپیڈ ڈیزل کی قیمت میں 5 روپے 71 پیسے فی لٹر کا نمایاں اضافہ کیا گیا ہے، جس کے بعد ڈیزل کی نئی قیمت 360 روپے 6 پیسے فی لٹر ہو گئی ہے۔ پیٹرولیم ڈویژن کے مطابق پیٹرول اور ڈیزل کی نئی قیمتوں کا یہ تعین آئل اینڈ گیس ریگولیٹری اتھارٹی (اوگرا) کی سفارشات پر کیا گیا ہے، جو آج رات 12 بجے سے لے کر کل رات 12 بجے تک کے لیے نافذ العمل رہے گا۔