لانگ مارچ معاملہ: حکومت اور اپوزیشن کے درمیان براہ راست رابطہ

اپوزیشن کے متوقع لانگ مارچ کے معاملے پر سیاسی تناؤ کو کم کرنے کے لیے حکومت اور اپوزیشن کے درمیان بلاواسطہ رابطہ قائم ہو گیا ہے۔ پاکستان تحریکِ انصاف (پی ٹی آئی) کے چیئرمین بیرسٹر گوہر خان نے تصدیق کی ہے کہ انہیں حکومت کی جانب سے مذاکرات اور ملاقات کا باضابطہ پیغام موصول ہوا ہے، جسے انہوں نے اپوزیشن کے اہم اجلاس میں ہونے والے فیصلوں کی روشنی میں قبول کر لیا ہے۔

ذرائع کے مطابق یہ اہم ملاقات کل دوپہر 12 بجے اسپیکر قومی اسمبلی کے چیمبر میں ہوگی، جس میں حکومتی اور اپوزیشن کے وفود شرکت کریں گے۔ یاد رہے کہ پی ٹی آئی کی سیاسی کمیٹی نے 4 اکتوبر کو اسلام آباد کی جانب لانگ مارچ کی منظوری دے رکھی ہے، اور اب قومی اسمبلی کے اسپیکر کے چیمبر میں ہونے والی اس ملاقات میں لانگ مارچ، احتجاج اور سیاسی صورتحال سے متعلق امور پر حتمی گفتگو کی جائے گی۔