گڈز ٹرانسپورٹ اتحاد کا 8 اگست سے غیر معینہ مدت تک ہڑتال کا اعلان

آل پاکستان گڈز ٹرانسپورٹ اتحاد نے 8 اگست سے ملک بھر میں غیر معینہ مدت کے لیے ہڑتال کا باضابطہ اعلان کر دیا ہے۔ کراچی پریس کلب میں ایک اہم پریس کانفرنس سے خطاب کرتے ہوئے رہنما گڈز ٹرانسپورٹ اتحاد ملک شہزاد اعوان نے واضح کیا کہ پاکستان بھر کی ٹرانسپورٹ ایسوسی ایشنز متفقہ طور پر مطالبات کی منظوری تک ہڑتال جاری رکھیں گی۔ اس موقع پر انہوں نے وزیر پیٹرولیم پرویز علی ملک سے فوری استعفے کا مطالبہ کرتے ہوئے کہا کہ چارٹر آف ڈیمانڈ وفاقی و صوبائی حکومتوں کو ارسال کر دیا گیا ہے۔