پاکستانی طلبہ کے لیے چین میں اعلیٰ تعلیم کا سنہری موقع

چین کی جانب سے پاکستانی طلبہ کے لیے ماسٹرز اور پی ایچ ڈی پروگرامز میں مکمل فنڈڈ اسکالرشپس کا اعلان کر دیا گیا ہے، جس سے اعلیٰ تعلیم کے خواہشمند طلبہ کو عالمی معیار کی جامعات میں تعلیم حاصل کرنے کا موقع ملے گا۔

اس اسکالرشپ کے تحت طلبہ کو فری ٹیوشن فیس، رہائش، میڈیکل سہولیات اور ماہانہ وظیفہ فراہم کیا جائے گا۔ اسکالرشپ کے لیے انجینئرنگ، سائنسز اور سوشل سائنسز کے شعبہ جات سے تعلق رکھنے والے طلبہ اہل ہوں گے۔

درخواستوں کا مکمل عمل ہائر ایجوکیشن کمیشن (HEC) کے ذریعے انجام دیا جائے گا، جبکہ اسکالرشپ کے لیے درخواست جمع کرانے کی آخری تاریخ 18 جنوری 2026 مقرر کی گئی ہے۔حکام کے مطابق یہ اسکالرشپس پاکستان اور چین کے درمیان تعلیمی تعاون کو مزید مضبوط بنانے میں اہم کردار ادا کریں گی اور پاکستانی طلبہ کو جدید تحقیق اور اعلیٰ تعلیم کے مواقع فراہم کریں گی۔