ملک بھر میں سونے کی قیمت مستحکم، چاندی مزید مہنگی ہوگئی

ملک بھر کی صرافہ مارکیٹوں میں آج سونے کی قیمتوں میں استحکام دیکھا گیا جبکہ چاندی کی قیمت میں نمایاں اضافہ ریکارڈ کیا گیا ہے۔

آل پاکستان صرافہ جیمز اینڈ جیولرز ایسوسی ایشن اور مقامی صرافہ مارکیٹوں کے فراہم کردہ اعداد و شمار کے مطابق، 24 قیراط فی تولہ سونے کی قیمت بغیر کسی تبدیلی کے 4 لاکھ 39 ہزار 36 روپے پر برقرار رہی۔ اسی طرح 10 گرام 24 قیراط سونے کی قیمت بھی بغیر کسی رد و بدل کے 3 لاکھ 76 ہزار 402 روپے کی سطح پر مستحکم رہی۔ بین الاقوامی مارکیٹ میں بھی سونے کی فی اونس قیمت مستحکم دیکھی گئی اور فی اونس سونا 4165 ڈالر کی سطح پر برقرار رہا۔

دوسری جانب، چاندی کی قیمتوں میں تیزی کا رجحان دیکھا گیا۔ ملک بھر میں 24 قیراط فی تولہ چاندی کی قیمت میں 59 روپے کا اضافہ ریکارڈ کیا گیا، جس کے بعد فی تولہ چاندی کی قیمت بڑھ کر 6234 روپے کی سطح پر پہنچ گئی۔