عالمی منڈی میں خام تیل کی قیمتوں میں 3 فیصد سے زائد اضافہ

امریکا اور ایران کے درمیان بڑھتی ہوئی عسکری کشیدگی اور آبنائے ہرمز کے ذریعے توانائی کی ترسیل میں شدید خلل کے باعث عالمی منڈی میں خام تیل کی قیمتوں میں 3% سے زائد کا بڑا اضافہ دیکھنے میں آیا ہے۔ برینٹ خام تیل (Brent Crude) کی قیمت 2.75 ڈالرز یعنی 3.12% اضافے کے ساتھ 90.85 ڈالرز فی بیرل تک پہنچ گئی ہے، جبکہ ویسٹ ٹیکساس انٹرمیڈیٹ (WTI) کی قیمت بھی 2.56 ڈالرز یعنی 3.10% بڑھ کر 85.05 ڈالرز فی بیرل ہو گئی ہے۔ معاشی ماہرین کے مطابق دنیا بھر میں تیل اور مائع قدرتی گیس (LNG) کی تقریباً 20% ترسیل آبنائے ہرمز سے ہوتی ہے، اور موجودہ کشیدگی کے باعث عالمی سپلائی چین کے خدشات، بحری انشورنس اخراجات اور مارکیٹ میں غیر یقینی صورتِ حال مزید بڑھنے کا قوی امکان ہے۔