گلگت بلتستان انتخابات : پولنگ کا وقت ختم، ووٹوں کی گنتی جاری

گلگت بلتستان اسمبلی کے انتخابات میں پولنگ کا وقت مکمل ہونے کے بعد ووٹوں کی گنتی کا عمل شروع کر دیا گیا ہے۔

اسکردو سمیت مختلف علاقوں میں پولنگ اسٹیشنز پر ووٹنگ کا عمل شام 5 بجے تک بغیر کسی وقفے کے جاری رہا، جس کے بعد عملہ نتائج کی تیاری میں مصروف ہو گیا۔

الیکشن میں مجموعی طور پر 403 امیدوار میدان میں تھے، جن میں 396 مرد اور 8 خواتین امیدوار شامل ہیں۔

دن بھر مختلف پولنگ اسٹیشنز پر ووٹرز کی بڑی تعداد موجود رہی اور لمبی قطاروں میں شہریوں نے اپنا حق رائے دہی استعمال کیا۔

الیکشن کے دوران بعض مقامات پر معمولی ہنگامہ آرائی اور انتظامی مسائل بھی سامنے آئے تاہم مجموعی طور پر پولنگ کا عمل پرامن رہا۔