غزہ پر تشویش کے باوجود جرمنی کی اسرائیل کو اسلحہ برآمدات میں اضافہ

عرب میڈیا نے انکشاف کیا ہے کہ غزہ میں جاری صورتحال پر شدید تشویش اور تحفظات کے باوجود جرمنی نے اسرائیل کو اسلحہ برآمدات میں نمایاں اضافہ کر دیا ہے۔ میڈیا رپورٹس کے مطابق جرمن حکومت نے اسرائیل کو 80 کروڑ یورو مالیت کے ملٹری و ویپن ایکسپورٹ لائسنس جاری کیے ہیں۔ رپورٹ میں مزید بتایا گیا ہے کہ سال 2026ء کے ابتدائی پانچ ماہ کے دوران ہی اسرائیل کو جرمن اسلحہ برآمدات کا حجم گزشتہ 20 ماہ کے مجموعی حجم سے تجاوز کر گیا ہے۔ اگرچہ جرمنی کے اندر اور عالمی سطح پر اسرائیل کو ہتھیاروں کی مسلسل فراہمی پر شدید تنقید اور تشویش کا اظہار کیا جا رہا ہے، تاہم اس کے باوجود برآمدات کی منظوری کا سلسلہ جاری ہے۔