ایران امریکا کیساتھ جنگ کے خاتمے کیلئے مذاکرات کی میز پر آئے: جرمن وزیر خارجہ

جرمنی کے وزیر خارجہ یوہان واڈے فل (Johann Wadephul) نے کہا ہے کہ جی 20 (G20) کے بیشتر رکن ممالک کا متفقہ مؤقف یہ ہے کہ ایران کو امریکہ کے ساتھ جاری کشیدگی کے خاتمے اور تنازع کو سلجھانے کے لیے اب سنجیدگی کے ساتھ مذاکرات کی میز پر آنا چاہیے۔

سوشل میڈیا پر اپنا ایک جاری کردہ بیان میں جرمن وزیر خارجہ نے کہا کہ جی 20 کے اکثر ممالک اس بات سے مکمل اتفاق کرتے ہیں کہ ایران کو خطے میں امن کے قیام کے لیے امریکہ کے ساتھ براہِ راست مذاکرات کرنے چاہئیں۔

اس کے ساتھ ہی انہوں نے یمنی حوثی ملیشیا سے پرزور مطالبہ کیا ہے کہ وہ فوری طور پر اپنے تمام حملے بند کرے، جبکہ روس پر بھی زور دیا گیا ہے کہ وہ بحیرہ اسود (Black Sea) میں حملے کرنے سے گریز کرے کیونکہ اس طرح کی کارروائیوں سے دنیا بھر میں غذائی تحفظ (Global Food Security) کو شدید خطرات لاحق ہو رہے ہیں۔