گلگت بلتستان انتخابات: پیپلز پارٹی 10، آزاد امیدوار 7 اور ن لیگ 4 نشستوں پر کامیاب

گلگت بلتستان اسمبلی انتخابات کے غیر حتمی اور غیر سرکاری نتائج کے مطابق مجموعی طور پر پیپلز پارٹی نے برتری حاصل کر لی ہے۔

اب تک سامنے آنے والے 24 میں سے 22 حلقوں کے نتائج کے مطابق پیپلز پارٹی 10 نشستوں پر کامیاب قرار پائی ہے۔

غیر سرکاری نتائج کے مطابق آزاد امیدوار 7 نشستیں حاصل کرنے میں کامیاب رہے جبکہ مسلم لیگ (ن) 4 نشستوں پر کامیابی حاصل کر سکی۔

ذرائع کے مطابق 1 نشست مجلس وحدت مسلمین پاکستان کے حصے میں آئی ہے جبکہ دو حلقوں کے نتائج ابھی آنا باقی ہیں۔

انتخابی نتائج کے بعد مختلف علاقوں میں سیاسی سرگرمیاں تیز ہو گئی ہیں جبکہ کئی مقامات پر احتجاجی مظاہرے بھی جاری ہیں۔