زرعی و غذائی تحفظ کی بگڑتی صورتحال پر فوری ای سی سی اجلاس بلایا جائے،
Web Desk
20 November 2026
پاکستان بزنس فورم کے صدر خواجہ محبوب الرحمن نے وزیر خزانہ و چیئرمین اقتصادی رابطہ کمیٹی (ای سی سی) کو ارسال کردہ ایک خط میں ملک کے زرعی اور غذائی تحفظ کی بگڑتی ہوئی صورتحال پر فوری ای سی سی اجلاس بلانے کا مطالبہ کرتے ہوئے خبردار کیا ہے کہ اگر زرعی شعبے کو فوری سپورٹ نہ دی گئی تو پاکستان چینی اور گندم کا مستقل درآمد کنندہ بن سکتا ہے۔ خط میں نشاندہی کی گئی ہے کہ رواں سال گزشتہ سیزن کے مقابلے میں 16 فیصد سے زائد گنے کی پیداوار ہوئی ہے تاہم شوگر ملز مالکان کرشنگ شروع نہیں کر رہے اور نہ ہی کسانوں کو بہتر ریٹ مل رہا ہے، اس لیے ای سی سی پرانے چینی ذخائر برآمد کرنے کی اجازت دے اور حکومت گنے کی کم از کم قیمت 500 روپے فی من مقرر کر کے کین کمشنرز کے ذریعے اس پر سختی سے عمل درآمد یقینی بنائے۔ خواجہ محبوب الرحمن نے مزید کہا کہ ملک میں گندم کے شدید شارٹ فال کے باعث آٹے کی قیمت 7 ہزار روپے فی من سے تجاوز کر گئی ہے جبکہ ٹی سی پی فلور ملز کو غیر معیاری اور ناقابلِ استعمال گندم فراہم کر رہا ہے، لہٰذا روٹی کی قیمت نیچے لانے کے لیے فلور ملز کو صاف اور درآمدی گندم کی ترسیل تیز کی جائے اور ربیع سیزن کے آغاز کے پیشِ نظر وزیراعظم کے اعلان کردہ 4500 روپے فی من گندم ریٹ کا فوری نوٹیفکیشن جاری کر کے چیف سیکرٹریز کو عمل درآمد کا پابند بنایا جائے تاکہ ملک گندم کی پیداوار میں دوبارہ خود کفیل ہو سکے۔
متعلقہ عنوانات
پاکستان ایشیا کپ بلائنڈ ٹی ٹوئنٹی کرکٹ ٹورنامنٹ کا نیا چیمپئن بن گیا
20 November 2026
اگر ایک ہی وقت میں بڑی تعداد میں لوگ بیمار پڑ جائیں تو دنیا کا کوئی بھی ہیلتھ کیئر سسٹم اس بوجھ کو برداشت نہیں کر سکتا،،مصطفیٰ کمال
20 November 2026
مکہ مشترکہ دفاعی معاہدہ رکن ممالک کے اجتماعی دفاع اور علاقائی استحکام کے عزم کا مظہر ہے، معاہدے کا آئندہ اجلاس
20 November 2026
پاکستان اور ترکیہ کی دوستی کے نئے باب کا آغاز، توانائی کے معاہدوں پر دستخط
20 November 2026
کیمرے والے اسمارٹ گلاسز کی درآمد کیلئے مشروط اجازت مل گئی
20 November 2026
الیکشن کمیشن: عطاء تارڑ کیخلاف ضابطۂ اخلاق کی خلاف ورزی کیس کا فیصلہ محفوظ
20 November 2026
چاند کی مٹی میں آلو اگانے کا کامیاب تجربہ
20 November 2026
بابا گرونانک کے 557 ویں جنم دن کی تقریبات، 3 ہزار سکھ یاتریوں کو ویزے جاری
20 November 2026