جی سیون کا 44 ممالک میں غذائی عدم تحفظ سے نمٹنے کیلئے 2.5 بلین ڈالر مختص کرنے کا اعلان

فرانسیسی وزیرِ خزانہ رولان لیسکیور (Roland Lescure) نے اعلان کیا ہے کہ جی 7 (G7) ممالک نے شدید غذائی عدم تحفظ کا سامنا کرنے والے کمزور اور غریب ممالک کی فوری مدد کے لیے 2.5 بلین ڈالر (2.5 ارب ڈالر) کے امدادی پیکج کی منظوری دے دی ہے۔

بین الاقوامی مالیاتی فنڈ (IMF) اور عالمی بینک (World Bank) کے سالانہ اجلاسوں کے موقع پر تھائی لینڈ کے دارالحکومت بنکاک میں پریس کانفرنس کرتے ہوئے رولان لیسکیور نے بتایا کہ عالمی بینک نے دنیا بھر میں 44 ایسے ممالک کی نشاندہی کی ہے جو توانائی کی مسلسل بڑھتی ہوئی قیمتوں کے باعث شدید غذائی بحران کے خطرے سے دوچار ہیں۔

انہوں نے کہا کہ جی 7 کے تمام رکن ممالک—امریکہ، برطانیہ، فرانس، جرمنی، اٹلی، کینیڈا اور جاپان—نے موجودہ عالمی اور معاشی صورتحال میں سب سے زیادہ متاثر ہونے والے غریب ممالک پر خصوصی توجہ دی ہے۔ فرانسیسی وزیر کے مطابق 2.5 ارب ڈالر کے اس فنڈ کا بنیادی مقصد متاثرہ ممالک کو خوراک اور خصوصاً زرعی پیداوار کے لیے انتہائی ضروری کھاد (Fertilizers) کی فراہمی کو یقینی بنانا ہے تاکہ عالمی سطح پر پیدا ہونے والے غذائی بحران پر قابو پایا جا سکے