LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

داجل پولیس چیک پوسٹ خودکش حملے میں شہید پولیس اہلکاروں کی نماز جنازہ ادا کر دی گئی

Web Desk

25 February 2026

داجل پولیس چیک پوسٹ پر ہونے والے بزدلانہ خودکش حملے میں جامِ شہادت نوش کرنے والے پولیس اہلکاروں کی نمازِ جنازہ پورے سرکاری اعزاز کے ساتھ ادا کر دی گئی۔ نمازِ جنازہ میں آئی جی پنجاب عبدالکریم، ایڈیشنل آئی جی سی ٹی ڈی وسیم احمد سیال، آر پی او سرگودھا ڈاکٹر شہزاد آصف، سٹیشن کمانڈر بریگیڈیئر راشد صدیق کھوکھر، اور ڈی پی او بھکر شہزاد رفیق سمیت پولیس، پاک فوج اور قانون نافذ کرنے والے اداروں کے اعلیٰ افسران نے بڑی تعداد میں شرکت کی۔

اس موقع پر پولیس کے چاق و چوبند دستے نے شہداء کے جسدِ خاکی کو سلامی پیش کی، جبکہ آئی جی پنجاب اور سٹیشن کمانڈر نے شہداء کی قبروں پر پھولوں کی چادریں چڑھائیں اور فاتحہ خوانی کی۔ آئی جی پنجاب عبدالکریم نے شہداء کے اہلخانہ سے ملاقات کی اور انہیں یقین دلایا کہ پولیس جوانوں کا خون رائیگاں نہیں جانے دیا جائے گا۔

آئی جی پنجاب نے خطاب کرتے ہوئے واضح کیا کہ وطنِ عزیز کے تحفظ کے لیے پولیس کی قربانیاں ناقابلِ فراموش ہیں۔ انہوں نے سخت پیغام دیتے ہوئے کہا کہ “فتنہ الہندوستان” اور “فتنہ الخوارج” کے خلاف آپریشنز پوری قوت سے جاری رہیں گے اور ان دہشت گردوں کو ان کے عبرتناک انجام تک پہنچایا جائے گا۔ نمازِ جنازہ میں معززینِ علاقہ اور زندگی کے مختلف شعبوں سے تعلق رکھنے والے شہریوں کی کثیر تعداد نے شرکت کر کے شہداء کو خراجِ عقیدت پیش کیا۔